Үстел теннисінен әлем чемпионаты: Қазақстан 1/8 финалға шығу үшін бақ сынайды

Қазақстан ерлер және әйелдер құрамалары үстел теннисінен Ұлыбританияның Лондон қаласында өтіп жатқан командалық әлем чемпионатының 1/16 финалына жолдама алды, деп хабарлайды Prosports.kz.

Ерлер құрамасы өз тобында үш кездесудің бәрінде жеңіске жетіп, бірінші орынмен плей-офф кезеңіне тікелей шықты.

Ал әйелдер құрамасы топтық кезеңде екінші орын алды. Кейін өтпелі кезеңдегі матчта Бельгияны 3:0 есебімен жеңіп, үздік 32 команданың қатарына енді.

Бүгін, 4 мамырда әлем чемпионатының 1/8 финалының жолдамасы сарапқа салынатын матчтар өтеді.

Қазақстанның ерлер құрамасы Испаниямен кездессе, әйелдер құрамасы Швецияға қарсы ойнайды.