Уимблдон турнирі: Рыбакина екінші кезеңге шықты

Қазақстандық теннисші Елена Рыбакина (WTA рейтингінде 2-ші орында) 2026 жылғы Уимблдон турнирін сәтті бастады, деп хабарлайды Prosports.kz.

Бірінші кезеңде Рыбакина француздық Луис Буассонмен (154-ші орында) кездесіп, қарсыласын үш сетте жеңді — 6:4, 1:6, 6:3. Осылайша, Елена жарыстың екінші кезеңіне өтті.

Еске сала кетейік, Елена Рыбакина 2022 жылы Уимблдон титулын жеңіп алған болатын.

Биылғы Уимблдонның жүлде қоры 74 292 561 еуроны құрайды. Жекелей сында жеңімпаз 4 165 938 еуро және 2000 рейтингтік ұпай жинайды.

Қазақстанның екінші ракеткасы Уимблдондағы өнерін аяқтады

Юлия Путинцева Уимблдон турнирінен шығып қалды