Жағажай Азиадасы: Ришат Хайбуллин мен Дамир Тоқтаров 1/8 финалға шықты
Қазақстан ерлер құрамасы спорттық құзға өрмелеуден Санья қаласында (Қытай) өтіп жатқан 2026 жылғы жағажайдағы Азия ойындарының іріктеу кезеңінде өнер көрсетті, деп хабарлайды Prosports.kz сайты ҰОК-қа сілтеме жасап.
1/8 финалға шығу
Дамир Тоқтаров 4.92 секунд уақыт нәтижесімен алтыншы орын алды. Ал Ришат Хайбуллин үздік мүмкіндігінде 5.02 секунд уақыт нәтижесін тіркеп, 11-орынға ие болды. Екі спортшы да келесі кезеңге жолдама алды.
Әмір Маймұратов 32-орынға тұрақтаса, Рашид Хайбуллин 33-сатыдан көрінді.
Еске сала кетейік, бұған дейін плей-офф кезеңіне Тамара Улжабаева мен Анна Баларшина өткен болатын. Жағажайдағы Азия ойындарында жүлделер «жылдамдық» дисциплинасы бойынша сарапқа салынады.
Қазақстан қоржынына алғашқы алтын медаль түсті