«Барыс» жанкүйерлері балалар үйіне ерекше сый жасады

<p style="text-align: justify;"> <strong>&laquo;Барыс&raquo; хоккей клубының басшылығы Жаңа жыл алдында ерекше қайырымдылық іс-шарасын ұйымдастырды. Мәскеудің &laquo;ЦСКА&raquo; клубымен өткен ойыннан кейін жергілікті жанкүйерлер мұз айдынды жұмсақ ойыншықтарға көмді.</strong></p> <p style="text-align: justify;"> Қазақстандық клубтың басшылығы &laquo;аю лақтыру&raquo; қайырымдылық іс-шарасының өтетінін алдын ала хабарлаған болатын. Іс-шараның мақсаты &ndash; балалар үйіне сый жасау еді. Жанкүйерлер мамық ойыншықтарды үйінен, болмаса стадионнан сатып алған. Мұз айдынға лақтырылған ойыншықтар мен сатылымнан түскен қаржы Астанадағы балалар үйіне аударылады.</p> <p style="text-align: justify;"> - Біз балаларға қуаныш сыйлағымыз келді. Мұз айдынға лақтырылған барлық ойыншықтар мен олардың сатылымынан түскен қаржы балалар үйіне беріледі. Бұл алғашқы қайырымдылық шарасы емес. Маусым басынан бері бес рет ұйымдастырдық. Ал &laquo;аю лақтыру&raquo; іс-шарасын алғаш рет ұйымдастырып отырмыз, - деді клубтың баспасөз хатшысы Олег Журкевич.</p> <p style="text-align: justify;"> &laquo;Барыс&raquo; хоккей клубының &laquo;вконтакте&raquo; желісіндегі парақшасының хабарлауы бойынша, мұз айдынға 1109 мамық ойыншық лақтырылған.</p> <p style="text-align: justify;"> Айта кетейік, &laquo;Барыс&raquo; 2015 жылдағы соңғы ойынында Мәскеудің &laquo;ЦСКА&raquo; клубын ұтып жанкүйерлеріне үлкен қуаныш сыйлады. Ал &laquo;аю лақтыру&raquo; қайырымдылық шарасы ойын соңынан өтті.</p> <div> Массагет.кз сайтынан</div>