«Барыс» қақпашысы Хантер Шепард сүйікті ресейлік хоккейшісін атады

«Барыстың» қақпашысы Хантер Шепард «Сила Спорта» басылымына берген сұхбатында өзі үшін ең сүйікті ресейлік хоккейшінің кім екенін айтты, деп хабарлайды Prosports.kz.

— Өзіңе ұнайтын ресейлік хоккейші кім?

— Сергей Бобровский.

— Шынымен бе? Неліктен дәл ол?

— Өйткені ол өте еңбекқор.

— Нағыз аңыз ғой.

— Иә. Ол «Коламбус» сапында ойнап, «Везина Трофи» жүлдесін жеңіп алған маусымдардан кейін оның жанкүйеріне айналдым. ҰХЛ-де үш рет қосалқы қақпашы болып, оның ойынын өз көзіммен көру мүмкіндігіне ие болдым. Ол шынымен өте мықты. Өзім онымен таныс емеспін, ешқашан сөйлескен де емеспін. Бірақ біздің қақпашылар бапкері оны жақсы біледі.

— Онымен бірге жұмыс істеген бе?

— Иә, екеуі бір-бірімен кездескен. Бапкерім маған ол туралы түрлі әңгімелер айтып берді. Маған бұл өте қызық болды.

Еске салайық, «Барыс» 13 матчтан кейін 16 ұпай жинап, Шығыс конференциясының турнирлік кестесінде үшінші орында тұр.