«Астананың» бұрынғы ойыншысы Бундеслигада ойнауы мүмкін

<p style="text-align: justify;"> <strong>Елордалық &laquo;Астананың&raquo; бұрынғы жартылай қорғаушысы Ренан Брессан мансабын Германия немесе Түркияда жалғастыруы мүмкін.</strong></p> <p style="text-align: justify;"> Бұл туралы Record басылымы мәлім етті. Брессанға түркиялық &laquo;Трабзанспор&raquo; мен германиялық &laquo;Кельн&raquo; қызығушылық танытуда.</p> <p style="text-align: justify;"> Белорусь құрамасының ойыншысы бүгінде португалиялық &laquo;Риу Аве&raquo; клубының намысын қорғап жүр. Ол осы маусымда Португалия чемпионатында 15 матч өткізіп, бес гол мен екі нәтижелі пастың авторы атанды.</p> <p style="text-align: justify;"> Естеріңізге сала кетсек, Ренан Брессан былтырғы маусымда &nbsp;&laquo;Астананың&raquo; жейдесін киген болатын. Дегенмен белорусьтік жартылай қорғаушы біріншілікте алты матчқа қатысып, бір ғана гол соқты. Артынша, Ренан 2014 жылдағы ең сәтсіз трансферлер қатарына қосылды.&nbsp;</p> <p> &nbsp;</p>