Роналду 3 жасар жетім баланың арманын орындады

<p style="text-align: justify;"> <strong>Танымал футболшы Криштиану Роналду 3 жасар ливандық Хайдар Мустафаның арманын орындады. Бүлдіршін &laquo;Реал&raquo; клубының мерекелік дастарханынан дәм татып, &laquo;Райо Вальеканоға&raquo; қарсы ойынын құрметті қонақтар отыратын орыннан тамашалады.</strong></p> <p style="text-align: justify;"> Қараша айында Ливан астанасы Бейрутта болған лаңкестік әрекеттен кейін Хайдар Мустафа ата-анасынан айырылып, ауыр жарақат алған. Кейіннен жергілікті тілші Рана Харби twitter әлеуметтік желісі арқылы #CristianoMeetHaidar деген хэштегпен флешмоб ұйымдастырған. Нәтижесінде португалдық футболшы флешмобты ескеріп, жетім қалған баланы Мадридке арнайы шақыртыпты.</p> <p style="text-align: justify;"> 3 жасар Хайдар Мустафа &laquo;Реал&raquo; клубына жанкүйерлік танытып, үздік ойыншысы ретінде Криштиану Роналдуды бағалайды екен. Мерекелік кеш кезінде ливандық бүлдіршінді клуб президенті Флорентино Перес те құшағына алып, ерекше ілтипат танытты. Сондай-ақ клуб жейдесін сыйға тартты. Ал кей испан басылымдары таратқан ақпарат бойынша, Роналду Хайдар Мустафаға құны 580 000 АҚШ долларын құрайтын Rolls-Royce автокөлігін сыйлаған.</p> <p style="text-align: justify;"> Айта кетейік, 12 қарашада Бейрутта болған жарылыста 43 адам қаза тауып, 239-ы жарақат алған болатын.</p> <p style="text-align: center;"> <iframe allowfullscreen="" frameborder="0" height="300" src="https://www.youtube.com/embed/fWU9MFscqgA" width="600"></iframe></p> <div> Массагет.кз сайтынан</div>