Бетербиев Усик пен Фьюри арасындағы реванштың жеңімпазын атады
Жартылай ауыр салмақта абсолютті әлем чемпионы Артур Бетербиев украиналық Александр Усик пен британдық Тайсон Фьюри арасындағы алдағы реванш туралы пікір білдірді, деп хабарлайды Sport+.
Ресейлік боксшы Seconds Out YouTube арнасына берген сұхбатында бұл жекпе-жекке қатысты ойын айтты.
«Біз жақсы жекпе-жекті көреміз деп ойлаймын. Бұл кездесуге кім жақсы дайындалса, сол жеңіске жетеді. Сол себепті кімнің дайындығы жоғары екенін көрейік», — деді Бетербиев.
Суперауыр салмақта WBC, WBA және WBO нұсқалары бойынша әлем чемпионы Усик пен бұрынғы чемпион Тайсон Фьюридің реваншы 21 желтоқсанда Сауд Арабиясының Эр-Рияд қаласында өтеді. Олардың алғашқы кездесуі 2024 жылдың мамырында өтіп, онда төрешілердің көпшілігінің шешімімен Усик жеңіске жеткен болатын.