Қазақстан құрамасының келесі матчына Зайнутдинов қатыспайды

Қазақстан құрамасының жартылай қорғаушысы Бахтиёр Зайнутдинов тағы бір сары қағаз алғаны үшін Ұлттар лигасының топтық кезеңінің төртінші турындағы Словенияға қарсы ойынға қатыса алмайды, деп хабарлайды Prosports.kz сайты. 

Зайнутдинов Австрияға қарсы ойынның (0:4) 61-минутында сары қағаз алып, жартылай қорғаушы үшін турнирдегі екінші болды.

Еске сала кетейік, Қазақстан мен Словения құрамалары арасындағы кездесу 13 қазан күні сағат 18:00-де Алматыдағы Орталық стадионда өтеді.