«Фенербахче» «Атлетико» қорғаушысын жалға алады

«Атлетико» қорғаушысы Чаглар Сеюнджю «Фенербахчеге» жалға беріледі, деп хабарлайды Prosports.kz тілшісі Фабрицио Романоға сілтеме жасап.

Инсайдердің мәліметінше, 27 жастағы түркиялық футболшы жақын арада Ыстамбұлға ұшады. Тараптар келісімнің барлық егжей-тегжейлерін реттеп қойған.

Сеюнджю өткен жаздан бері «Атлетико» сапында өнер көрсетеді. Ол мадридтік команда сапында барлық турнирде 9 матч өткізіп, нәтижелі әрекеттермен көзге түсе алмады. Қорғаушының «Атлетикомен» келісімшарты 2027 жылға дейін есептелген.