«Елімай» Түркияда өзбекстандық клубтан басым түсті

Семейлік «Елімай» Түркиядағы оқу-жаттығу жиынында бақылау матчын өткізді, деп хабарлайды Prosports.kz.

Қазақстандықтар Өзбекстанның «Нефтчи» клубымен кездесті. Матч 3:0 есебімен «Елімайдың» пайдасына аяқталды.

Жеңімпаз команда сапында Берік Айтбаев, Арман Смаилов және Альваро Виейра голдың авторы атанды.

Естеріңізге сала кетейік, бүгін, 26 қаңтарда қазақстандық клуб босниялық «Слога Добой» командасымен кезекті жолдастық кездесу өткізеді. Матч Астана уақытымен 20:00-де басталады.