Батыр Жүкембаев Кроуфордпен спарринг өткізгенін айтты

Қазақстандық боксшы Батыр Жүкембаев (21-1, 16 КО) жартылай орта салмақтағы бұрынғы абсолютті әлем чемпионы америкалық Теренс Кроуфордпен (40-0, 31 КО) бірге өткізген жаттығу жиыны мен спарринг жайлы айтты, деп жазады Prosports.kz.

«Кроуфорд — нағыз еңбекқор. Оны қатты құрметтеймін. Ол тамаша боксшы және чемпион ғана емес, жақсы адам. Ол әрқашан көп жұмыс істейді, ешқашан босаңсымайды. Онымен спарринг өткізу — керемет тәжірибе. Онымен спаррингтен кейін боксты жақсы түсіне бастадым десем болады (күлді)», - деді Батыр.

Айта кетейік, Батыр Жүкембаев 13 желтоқсанда Плант-Ситиде (Флорида, АҚШ) келесі жекпе-жегін өткізеді. Қарсыласы француз боксшысы Мохамед Мимун (23-5, 4 КО) болмақ.