«Бавария» Манеге жаңа клуб іздеуге кеңес берді

«Бавария» вингер Садио Манеге алдағы маусымда оған иек артпайтынын мәлімдеді, деп хабарлайды Kicker.

Мюнхендіктер ойыншыға жаңа команда іздеуге рұқсат берді. Бірақ оның неміс клубымен келісімшарты 2 жылдан соң аяқталады. 

Мане «Бавария» сапында бір маусым ғана өткізді. 2022 жылы сенегалдық ойыншы мюнхендік клубқа «Ливерпульден» 32 млн еуроға ауысқан болатын. Өткен маусымда Бундеслигада ол 25 матчқа қатысып, 7 гол мен 5 нәтижелі пастың авторы атанған.