Қазақстандық боксшы кәсіпқой рингтегі оныншы жеңісінен кейін жанкүйерлеріне үндеу жасады
![Қазақстандық боксшы кәсіпқой рингтегі оныншы жеңісінен кейін жанкүйерлеріне үндеу жасады](https://prosports.kz/upload/news/content//202305/472_0b28945ad57014e4aef0da72577047b0.jpg?t=1683518916?v=28752428)
Жеңіл салмақтағы қазақстандық боксшы Бек Нұрмағанбет (10-0, 8 КО) кәсіпқой рингтегі оныншы жеңісінен кейін жанкүйерлеріне үндеу жасады, деп хабарлайды Prosports.kz.
«Кезекті жеңіс Кудайға шүкір. Жекпе-жегімді күтіп жанкүйер болғандарыңызға және құттықтауларыңызға үлкен рақмет! 10-0, 8 КО!», – деп жазды 25 жастағы боксшы Инстаграм желісіндегі парақшасында. Пікірде спортшыны осы жетістігімен бапкер Қанат Орақбаев пен Олимпиада чемпионы Данияр Елеусінов құттықтады.
Қазақстан уақытымен 7 мамырда таңертең Бек Нұрмағанбет Гвадалахарада (Мексика) венесуэлалық боксшы Аргенис Эспананы (15-2, 14 КО) екінші раундта нокаутпен жеңген болатын.
Фото instagram.com/suleimen_promotions_official