Том Аспиналл UFC-дегі чемпиондық мәртебесінен айырылды
Британиялық файтер Том Аспиналл UFC-дің ауыр салмақтағы чемпиондық белбеуінен бас тарту туралы шешім қабылдағанын мәлімдеді, деп хабарлайды Prosports.kz.
Спортшының айтуынша, мұндай шешім қабылдауына көз жарақатының салдары әлі де мазалап жүргені себеп болған.
Аспиналл октагонға соңғы рет 2025 жылдың қазан айында шықты. Сол кезде оның француз ауыр салмақтағы файтері Сирил Ганмен жекпе-жегі бірінші раундта-ақ мерзімінен бұрын тоқтатылды. Жекпе-жек барысында Ган қарсыласының көзіне саусағымен байқаусызда тиіп кеткен. Осыдан кейін Аспиналл кездесуді жалғастыра алмады. Нәтижесінде жекпе-жек өтпеді деп танылды.
Ұзақ уақытқа созылған қалпына келуіне байланысты британдық спортшы чемпиондық белбеуді босатуға шешім қабылдады. Енді титул вакантты саналады.
«Көзіме қатысты мәселелер әлі де жалғасып жатқандықтан, қазіргі уақытта жекпе-жектерге шығуға медициналық рұқсат ала алмаймын. Бірнеше ота жасаттым, түрлі келеңсіз жағдайлар мен инфекцияларды бастан өткердім. Қайта оралу үшін қолымнан келгеннің бәрін жасадым. Бұған дейін жекпе-жек өткізетін күнге келісіп, спаррингтерді қайта бастаған едім. Өзімді керемет сезініп, жекпе-жекке дайын болдым. Алайда тағы бір келеңсіз жағдай болып, оң көзім қайта зақымданды. Бұл спорттан тыс тағы да ұзақ уақыт қалатынымды білдіреді. Қазіргі уақытта октагонға қашан оралатыным белгісіз.
Мен UFC-дегі ауыр салмақтағы чемпиондық титулдан бас тарту туралы шешім қабылдадым. UFC-ден бұл мәлімдемені жасауға рұқсат беруін сұрадым, себебі дивизионның дамуын тежегім келмейді. Өз мансабыңның уақытша тоқтап қалуы қандай сезім екенін жақсы білемін. Сондықтан басқа файтерлердің титул үшін күресуіне мүмкіндік бергім келеді», – деп жазды Аспиналл.