Шавкат аты аңызға айналған комментаторды дән риза қылды

Қазақстандық файтер Шавкат Рахмонов (17-0) америкалық Джефф Нилді (15-5) жеңгеннен кейін өзіне тақаған UFC-дің аңызға айналған комментаторы Джо Роганның басына қазақтың бас киімін кигізе салды.

Сұхбат бермес бұрын Шавкат Роганның басына қасқыр тымақты кигізді. Өз кезегінде ол: "Рахмет, мырза" деп алғыс білдірді. Нәтижесінде Лас-Вегас төрінде екеуі де қазақтың бас киімінде болды.