Жәнібек Әлімханұлының келесі қарсыласы белгілі болды
Дүниежүзілік бокс ұйымы (WBO) Жәнібек Әлімханұлының келесі қарсыласы ретінде британдық Лиам Смитті тағайындады, деп хабарлайды Prosports.kz.
WBO тараптарға жекпе-жекті келісу үшін 20 күн берді. Әйтпесе, жарнамалық сауда-саттық өткізіледі (ең аз ұсыныс $200 000).
Еске салайық, бұған дейін Дүниежүзілік бокс ұйымы Лиам Смитті орта салмақтағылар рейтингінде бірінші орынға қойған болатын. Жәнібек Әлімханұлы осы ұйымның чемпиондық белбеуіне ие.
Қазақстандық боксшы өткен жылы британдық Дензел Бентлиді жеңіп, чемпиондық атағын бір сәтті қорғаған болатын. Жақында Лиам Смит британдық кіші Крис Юбанкты жеңіп, сенсация жасады.
Бұған дейін Жәнібек Әлімханұлы Лиам Смитпен жұдырықтасуға қуанышты болатынын айтқан болатын. Айта кетейік, про-рингте 29 жастағы қазақстандық әлі жеңілмеді (13-0).
