«Қайсар» РПЛ клубымен спарринг өткізеді

Қызылордалық «Қайсар» алдағы маусымға дайындық аясында Түркиядағы оқу-жаттығу жиынында Ресей премьер-лигасында өнер көрсететін воронеждік «Факел» командасына қарсы ойын өткізеді, деп хабарлайды Prosports.kz.

Воронеждіктердің баспасөз қызметінің хабарлауынша, «Факел» 14 ақпан күні Түркиядағы үшінші оқу-жаттығу жиынында «Қайсармен» ойнайды.

«Факел» 17 турдан кейін 13 ұпаймен Ресей чемпионатының турнир кестесінде 13-орында келеді. «Қайсар» былтыр Бірінші лигада екінші орын алып, ел біріншілігінің жоғарғы дивизионына оралды.

Фото instagram.com/fckaysar_official