Тағыберген «Тобылдан» кетті
![Тағыберген «Тобылдан» кетті](https://prosports.kz/upload/news/content//202301/203991_3617c84de91a7f00eb483059a5acc86e.jpg?v=28700618)
«Тобыл» мен Қазақстан құрамасының капитаны Асхат Тағыберген мансабын басқа клубта жалғастырады, деп хабарлайды Prosports.kz Meta-ratings.kz сайтына сілтеме жасап.
Тағыберген қостанайлық командамен келісім-шартын ұзартпады және команда ауыстыруды көздеп отыр.
Жартылай қорғаушыға ҚПЛ-дың бірнеше клубтары үміткер, дегенмен, үміткерлер арасындағы фаворит Тағыберген 2016-2017 жылдары ойнаған «Астана» болып табылады.
Өткен маусымда Тағыберген «Тобыл» сапында 32 матч өткізіп, 8 гол соғып, 7 нәтижелі пас берді. Футболшы мансабында Қайсар мен Ақтөбеде де өнер көрсетті.