2022 жылғы әлем чемпионатының үздік жас ойыншысы «ПСЖ» сапына ауысуы мүмкін

Аргентина ұлттық құрамасы мен «Бенфика» клубының футболшысы Энцо Фернандес жақын арада клубын өзгертуі мүмкін, деп хабарлайды Prosports.kz.

RMC Sport мәліметінше Энцо Фернандеске «ПСЖ» қызығушылық танытып отыр.

Дереккөздің хабарлауынша, франциялық клуб ойыншыны сатып алу нұсқасын қарастырып жатыр.

Айта кетейік, Энцоға қызығушылық танытқандар қатарында «Ливерпуль», «Реал Мадрид», «Манчестер Сити» және «Манчестер Юнайтед» клубтары бар.