Месси: «Сауд Арабиясынан жеңілгеннен кейін ұлым Матео стадионнан жылап кетті»

<span>Аргентина құрамасының капитаны Лионель Месси альбиселесте әлем чемпионатында Сауд Арабиясынан жеңіліп қалғаннан кейін ұлы жылағанын айтты, деп хабарлайды Prosports.kz.</span>

<span>Аргентина әлем чемпионатының алғашқы матчында араб футболшыларынан 1:2 есебімен жеңіліп қалған.</span>

<span>Мессидің ұлы 7 жастағы Матео осы ойыннан кейін көзіне жас алған.</span>

<span>«Бірінші ойыннан кейін Матео стадионнан жылап кетті. Тьяго егер қалған екі ойында жеңсек, плэй-оффқа шығатынымызды түсіндірді», - деді Месси.</span>

<span>Аргентина құрамасы 2-турда Мексиканы 2:0 есебімен жеңген. Ал шешуші турда Аргентина Польшамен кездеседі.</span>