Дортмундтық «Боруссия» шабуылшысы Себастьян Аллерге екінші ота жасалды

Дортмундтық «Боруссия» шабуылшысы Себастьян Аллерге екінші ота жасалды, деп хабарлайды Prosports.kz.

«Екінші операция сәтті өтті! Медицина қызметкерлеріне күнделікті көмектері үшін рақмет. Оңалтуды асыға күтіп жүрмін», - деп жазды Аллер Twitter-де.

28 жастағы футболшы былтыр жазда «Аякстан» дортмундтық «Боруссияға» 35 миллион еуроға ауысқан болатын. Шілдеде ойыншыға қатерлі ісік диагнозы қойылып, ота жасалған.