Бекбауов Азия чемпионатында қырғыз боксшысын жеңді
Қазақстандық боксшы Дулат Бекбауов Амманда (Иордания) өтіп жатқан Азия чемпионатында жартылай финалына шықты, деп хабарлайды Prosports.kz.
67 келіге дейінгі салмақта бақ сынаған Бекбауов 1/4 финалда қырғызстандық Жақсылық Талайбековты жеңді. Осылайша Дулат Бекбауов турнирдің жартылай финалына шығып, Қазақстан қоржынына тағы бір медаль салды.
Қазірге дейін Қазақстан құрамасының он үш боксшысы жартылай финалға шықты: Санжар Ташкенбай (48 келі), Сәкен Бибосынов (51 келі), Махмұд Сабырхан (54 келі), Серік Теміржанов (57 келі), Саматәлі Төлтаев (60 келі) , Дулат Бекбауов (67 келі); Жазира Орақбаева (52 келі), Жайна Шекербекова (54 келі), Карина Ибрагимова (57 келі), Мәдина Нұршаева (66 келі), Дариға Шәкімова (70 келі), Гүлсая Ержан (81 келі), Ләззат Күнгейбаева (+81 келі).