Котто: «Головкиннің менімен кездескісі келсе, барлық шартыма көнуі керек»

<p style="text-align: justify;"> <strong>Қазақстандық кәсіпқой боксшы Геннадий Головкиннің (33-0, 30 КО) менімен кездескісі келсе, мен қойған барлық шартқа көнуіне тура келеді. Мұндай мәлімдемені WBC тұжырымындағы әлем чемпионы пуэрториколық Мигель Котто (39-4, 32 KO) жасады.</strong></p> <p style="text-align: justify;"> &laquo;Дэниэл Гил менің бүкіл шартыма келіскен даңқты боксшылардың алғашқысы, сол себепті онымен жекпе-жек өткізуге бел байладым. Головкин де менімен кездесуді ойына алған болса, барлық шартыма көнуіне тура келеді. Сонда ғана жекпе-жек өткізуге келісімімді беремін, келіспейді екен, мен де онымен кездесуден бас тартамын. Ал оған қояр шарттарымды бапкерім Фредди Роучпен бірлесіп ойластырамыз&raquo;, - дейді Котто.</p> <p style="text-align: justify;"> Бұған дейін берген бір сұхбатында пуэрториколық боксшы &laquo;Головкин әлі күнге жоғары класты боксшылармен қолғап түйістіріп көрмесе де, оны неліктен әлемнің үздік спортшыларының тізіміне қосып жүргеніне таңым бар&raquo; - деген болатын. Сонымен қатар, Котто WBC ұйымы оны Головкинмен жекпе-жек өткізуге мәжбүрлей берсе, белбеуден бас тартатынын мәлімдеді.</p> <p style="text-align: justify;"> Айта кету керек, Котто 6 маусым күні Бруклинде австралиялық боксшы Дэниэл Гилмен шаршы алаңда кездесіп, WBC чемпиондық белбеуін сарапқа салады. Ал осы белбеуден басты үміткер отандасымыз бұл бокс кешіне баруы тиіс.</p> <p style="text-align: justify;"> &laquo;Осы жекпе-жекте жеңіске жеткен боксшымен шаршы алаңда кездесіп, WBC тұжырымының нағыз чемпионы екенін дәлелдегім келеді&raquo;, - деген еді Головкин бір сұхбатында.</p> <p style="text-align: justify;"> &nbsp;</p> <p style="text-align: justify;"> &nbsp;</p> <p style="text-align: justify;"> BNews.kz сайтынан</p>