Кличко Поветкинді Киевте жұдырықтасуға шақырды

<p style="text-align: justify;"> <strong>Кәсіпқой бокстан ауыр салмақтағы әлем чемпионы Владимир Кличко ресейлік боксшы Александр Поветкинмен матч-реванш өткізуге дайын екенін мәлімдеді. Ал, аталған жекпе-жек Украина астанасында өтуі тиіс деді ол.&nbsp;</strong></p> <p style="text-align: justify;"> "Мен 2013 жыл болған жекпе-жек үшін, мені Мәскеуге шақырғаны үшін алғысымды айтамын. Енді Киевке қош келдіңіздер!" деді Кличко Поветкинге шақырту тастап.</p> <p style="text-align: justify;"> Оның айтуынша, матч-реванш футболдағы секілді екінші тараптың алаңында өтуі тиіс. "Футболда алдымен қонақтай ойнайды, сосын өз алаңында қабылдайды. Мен сырт алаңда жұдырықтасып келдім. Ендігі жекпе-жек Украинада өтуі тиіс" деп атап өтті Владимир Кличко. Оның айтуынша, бұл ұсыныс Поветкиннің өзіне де ұнауы тиіс.</p> <p style="text-align: justify;"> Дегенмен, ресейлік боксшының промоутері Андрей Рябинский алдағы жоспарда Поветкиннің Кличкомен кездесуі жоқ екенін мәлімдеді. Оның айтуынша, "Витязь" келесі жекпе-жегін америкалық әлем чемпионы Деонтей Уайлдермен өткізеді.</p> <p style="text-align: justify;"> "Ешкім ешкімге ешнәрсе қарыз емес. Бірінші жекпе-жектің Мәскеуде өту себебі - біз оны жеңіп алдық және ұйымдастырдық. Егер келесі жекпе-жекті өткізу мүмкіндігін олар жеңіп алса өздері біледі қай жерде өткізетіндерін" деп атап өтті Рябинский.</p> <p style="text-align: justify;"> Естеріңізге салайық, қос боксшының арасында 2013 жылы өткен алғашқы жекпе-жекте Владимир Кличко Александр Поветкинді айқын басымдықпен жеңді. 12 раундқа созылған кездесу қорытындысы бойынша төрешілер жеңісті бірауыздан украиналық боксшыға ұстатқан болатын.&nbsp;</p> <p style="text-align: justify;"> &nbsp;</p> <p style="text-align: justify;"> Baq.kz сайтынан</p>