Гилфойд: «Фроч мықты боксшы, Головкиннің шақыруын қабыл алатыны анық»

<p style="text-align: justify;"> <strong>Британиялық кәсіпқой боксшы Карл Фроч карьерасындағы соңғы жекпе-жегінде қазақстандық Геннадий Головкинмен қолғап түйістіруі тиіс. Беделді Boxingnews24.com басылымының тілшісі Скот Гилфойд осындай пікірде. Ол әйгілі комментатор Поли Малиньяджидің Фрочқа қатысты пікірімен келіспейтінін осы сөздерімен жеткізді.</strong></p> <p style="text-align: justify;"> Малиньяджи бір сұхбатында: &laquo;Карл Фрочтың карьерасы өте тамаша өтті. Енді ол Головкинмен кездесуі екіталай. Себебі, ол қазақстандықтан ұтылып қалса, тірнектеп жинаған абыройынан бір күнде айрылып, көп өтпей, халықтың жадынан өшемін бе деп қорқады&raquo; - деген болатын.</p> <p style="text-align: justify;"> Гилфойд Малиньяджидің бұл пікірімен әсте келіспейтінін мәлім етті. &laquo;Фроч өз жанкүйерлерін разы ету үшін Головкинге қарсы жекпе-жек өткізетіні айдан анық. Әрине, Карл карьерасын қазір де аяқтай салуына немесе соңғы кезесуінде осал қарсыласпен шыға салуына болады. Алайда, мұның салдары оның жанкүйерлерінің көкейінде &laquo;Фроч карьерасын бүлдіріп алғысы келмей, қазақстандыққа қарсы жекпе-жек өткізбеді&raquo; деген пікір қалыптастыруы әбден мүмкін. Сондықтан, ол Головкиннің шақыруын қабыл алатынына күмәнім жоқ. Фроч мықты боксшы, ал мықтылар тек өзі секілді мықтыларды ғана таңдайды&raquo;, - дейді Гилфойд.</p> <p style="text-align: justify;"> Айта кету керек, отандасымыз Вилли Монроны жеңгеннен кейін, Мигель Котто, Карл Фроч, Алварес сынды мықтылармен қолғап түйістіргісі келетінін мәлімдеген болатын. Естеріңізге саламыз, Головкиннің келесі жекпе-жегі қыркүйек айына белгіленген, әзірге оған қарсылас табылар емес.</p> <p style="text-align: justify;"> &nbsp;</p> <p style="text-align: justify;"> &nbsp;</p> <p style="text-align: justify;"> BNews.kz сайтынан</p>