«Алматы» ХК төрт шабуылшымен келісімшарт жасасты

«Алматы» ХК төрт шабуылшымен келісімшарт жасасты, деп хабарлайды Prosports.kz тілшісі ҚХФ баспасөз қызметіне сілтеме жасап.

Алматылық клуб Игорь Ищенко, Станислав Филиппенко, Ақтан Бақытжанов және Никита Игушкинмен келісімшартқа отырды.

Төртеуі де өткен маусымның басым бөлігін «Алматы» жастарының сапында өткізді. Бұл хоккейшілер ұжымның үздік бомбардирлері тізімінде алғашқы төрт орынды иеленді. Ищенко Лигадағы көрсеткіші бойынша екінші орын алды (33 гол және 45 нәтижелі пас).

Айта кетерлігі, Филиппенко мен Ищенко «Алматының» негізгі командасының матчтарына да қатысқан.