«Сарыарқа» клубтың бас бапкерімен жаңа келісімшарт жасасты

Петерис Скудра «Сарыарқа» хоккей клубымен келісімшарт мерзімін ұзартты, деп хабарлайды Prosports.kz.

Қарағандылық клубтың баспасөз қызметі хабарлағандай, жаңа келісімшарт бір маусымға есептелген.

Скудра қарағандылық командада 2022 жылы 17 қаңтардан бастап жұмыс істеп келеді. Оның бұрынғы келісімшарты биыл маусымның соңында аяқталады.

Латвиялық маманның жетекшілігімен «Сарыарқа» Құрлық кубогының күміс медалін және Қазақстан чемпионатының алтын медалін жеңіп алды.