Қазақстандық боксшылар неліктен Головкинмен емес, «Канеломен» бірге жаттығу өткізді?

Өткен айда Suleimen Promotions промоутерлік компаниясының қазақстандық боксшылары АҚШ-та жаттығу жиынын өткізді, деп хабарлайды Prosports.kz.

Айдос Ербосынұлы, Бек Нұрмағанбет, Абылайхан Жүсіпов, Әбілхан Аманқұл, Евгений Павлов және Данила Семенов Сан-Диего қаласында (Калифорния, АҚШ) суперорта салмақтағы абсолютты әлем чемпионы Сауль «Канело» Альвареспен бір залда жаттығу өткізді. Айдос Ербосынұлы мексикалықтың спарринг серіктесі атанды.

Suleimen Promotions компаниясы Евгений Павловпен тікелей эфир барысында олар неліктен атақты отандасымыз Геннадий Головкинді емес, «Канелоны» таңдағанын түсіндірді:

— Көбі неге «Канелоға» барғанымызды сұрайды. Олар неге жерлесіміз Геннадий Головкинге бармағанымызды білгісі келеді. Оның себебі бізге «Канелодан» шақыру келді, сондықтан жігіттер сонда барды, — деді ол.