«Қайрат» ресейлік қақпашыны қатарына қосуы мүмкін

Meta-ratings.kz сайтына белгілі болғандай, «Химки» қақпашысы Илья Лантратов «Қайратқа» ауысуы мүмкін, деп хабарлайды Prosports.kz.

Бұған дейін алматылық клуб ресейлік қақпашыны қатарына қосқысы келетіні мәлім болған еді. Қазақстандық команда қазірдің өзінде РПЛ-дың топ-клубтары қызығушылық танытқан 26 жастағы қақпашымен келіссөздер жүргізуде.

Лантратов «Шинник», «Балтика» және «Факел» командаларында ойнаған. Илья мәскеулік «Химки» сапында 58 кездесу өткізген. Ол осы жылдың қараша айында Ресей құрамасына тұңғыш рет шақырту алды.