Головкин Ұлыбританияда жекпе-жек өткізуге дайын екенін мәлімдеді

<span>Қазақстандық боксшы Геннадий Головкин (41-1-1, 36 КО) Ұлыбританияға барып, екінші айқас өткізуге дайын екенін мәлімдеді.</span>

<span>«Егер үстелімнің үстінде қызықты ұсыныс болса, Ұлыбританияда жекпе-жек өткізуге сұраныс болса, оны қарауға дайынмын. Себебі, онда менің ең көп жанкүйерлер тобымның бірі бар», - деді Головкин.</span>

<span>Еске салайық, 39 жастағы қазақстандық Ұлыбританияда 2016 жылы айқас өткізді. Головкин жергілікті боксшы Келл Брукпен (39-3, 27 КО) жұдырықтасып, оны бесінші раундта техникалық нокаутпен жеңген еді.</span>

<span>Орта салмақтағы IBF/IBO әлем чемпионы Геннадий Головкин (41-1-1, 36 КО) осы салмақта WBA Super титулының иегері Риота Муратамен 29 желтоқсанда жекпе-жек өткізеді.</span>