Камбосос Лопесті жеңіп, үш чемпиондық белбеуге ие болды

Қазақстан уақытымен 28 қараша күні таңертең жеңіл салмақтағы абсолютті әлем чемпионы америкалық Теофимо Лопес (16-0, 12 КО) Нью-Йорктегі «Мэдисон Сквер Гарденда» австралиялық кіші Джордж Камбососпен (19-0, 10 КО) кездесті, деп хабарлайды Prosports.kz.

Бұл жекпе-жекте америкалық боксшы WBA Super, IBF және WBO белбеулерін қорғады. 

Лопес бірінші раундта нокдаунға түсіп қалды, бірақ чемпион тез есін жиып жекпе-жекті жалғастырды. Тіпті оныншы раундта Камбососты кері нокдаунға жіберді. Бірақ австралиялықтың басымдылығы байқалды. 

Жекпе-жек қорытындысында Камбосос төрешілер шешімімен жеңіске жетті. Есеп - 114:113, 115:111 және 115:112. Осылайша кіші Джордж Камбосос жеңіл салмақтағы WBA Super, IBF және WBO тұжырымдары бойынша әлемнің жаңа чемпионы атанды.