Джермелл Чарло мен Брайан Кастаньо реванш өткізуді жоспарлап отыр

WBA, WBC және IBF тұжырымдары бойынша супер орта салмақтағы чемпион Джермелл Чарло мен WBO тұжырымы бойынша әлем чемпионы аргентиналық Брайан Кастаньо реванш өткізуді жоспарлап отыр, деп хабарлайды Prosports.kz.

Естеріңізге сала кетейік, 18 шілдеде олардың жекпе-жегі бөлінген шешіммен тең аяқталған болатын.

BoxingScene хабарлауынша, реванш 2022 жылдың ақпан айында өтуі мүмкін.

Реваншқа тағы бір кедергі қалды: Чарло алдымен IBF нұсқасы бойынша міндетті қарсылас болып табылатын Бахрам Мұртазалиевпен кездесуі керек. Десе де, тараптардың келісімге келетіні сөзсіз.