Иван Дычко Нұр-Сұлтанда кіммен жұдырықтасады

Супер ауыр салмақта өнер көрсететін қазақстандық боксшы Иван Дычконың (10-0, 10 КО) кезекті қарсыласы анықталды, деп жазады Prosports.kz.

Жекпе-жек Нұр-Сұлтанда өтеді. 

Шоудың промоутері Зия Алиевтің айтуынша, Дычко ресейлік Александр Устиновпен (36-5-1, 27 КО) жұдырықтасады. Жекпе-жек 18 желтоқсанда өтеді.

Айта кетейік, Иван Дычконың кейінгі жекпе-жегі шілде айында өтті. Отандасымыз ол кезде ресейлік Денис Бахтовты (39-19, 26 КО) бірінші раундта нокаутқа жіберді.