Баскетбол: «Астана» жолдастық матчта «Ювентустен» ұтылды

«Астананың» баскетболшылары Литвада өтіп жатқан маусым алдындағы оқу-жаттығу жиыны аясында алғашқы сынақ матчын өткізді. Елордалықтардың бірінші спарринг-қарсыласы литвалық «Ювентус» командасы болды, деп хабарлайды Prosports.kz.

Кездесу 91:58 есебімен «Ювентустың» пайдасына аяқталды. «Астана» сапынан 12 ұпай жинаған Максим Марчук ең нәтижелі ойын көрсетті.

«Астананың» Литвадағы келесі жолдастық кездесуі 11 қыркүйекке жоспарланған, елордалық команданың қарсыласы «Либас ГАС» командасы болады.

«Астана» (Нұр-Сұлтан) – «Ювентус» (Утена) 58:91 (17:29, 18:21, 16:21, 7:20)