Гризманн «Барселонадан» кетті

«Барселона» шабуылшысы Антуан Гризманн «Атлетикоға» оралды.

Мадридтік клуб футболшыны бір жылғы жалға алды. Алдымен 10 миллион еуро төлейді, келесі жазда толық трансфер үшін католондықтар есебіне тағы 40 миллион еуро жібереді.

Өткен маусымда Гризманн «Барселона» сапында 51 матч өткізіп, онда 20 гол соғып, 12 нәтижелі пас берген.

Еске салайық, 2019 жылдың жазында «Барселона» Гризманн үшін «Атлетикоға» 120 миллион еуро төлеген болатын.