«Астананың» экс-футболшысы Түркияда команда ауыстырды

«Астананың» бұрынғы футболшысы Педро Энрике Түркиядағы клубын ауыстырды, деп хабарлайды Prosports.kz.

Бразилиялық жартылай қорғаушы «Кайсериспордан» «Сивасспорға» ауысты. «Сивасспордың» ресми сайтында хабарланғандай, 31 жастағы футболшы Түркия Суперлига клубымен үш жылдық келісімшартқа қол қойды. Transfermarkt мәліметі бойынша, «Сивасспор» «Кайсериспорға» 1 миллион еуро көлемінде өтемақы төлеген.

Еске салайық, 2018 жылдың жазында Педро Энрике «Астанаға»  грекиялық ПАОК-тан жалға ауысып, қазақстандық клубта 2019 жылдың басына дейін ойнады. Ол Қазақстан премьер-лигасында 8 матч өткізді.