ММА

Евгений Егембердиев АСА жекпе-жегі алдында салмақ өлшеді

Евгений Егембердиев АСА жекпе-жегі алдында салмақ өлшеді

Қазақстандық файтер Евгений Егембердиев (12-3) ресейлік ACA лигасының чемпиондық жекпе-жегі алдында салмақ өлшеу рәсімінен өтті, деп хабарлайды Prosports.kz.

36 жастағы спортшы 16 шілдеде Сочиде өтетін ACA 126 турнирінде өнер көрсетеді. Басты жекпе-жекте  Муслим Магомедовпен кездеседі (9-0). Файтерлер ауыр салмақта ACA (93 кг) чемпиондық белбеуі үшін төбелеседі.

Евгений Егембердиев жартылай ауыр салмақтың (93 кг) лимитіне сай келсе, қарсыласы Муслим Магомедов сәл артық салмақ көрсетті.

Ұйымның таратқан мәліметіне қарағанда, ACA 126 турнирі көрерменсіз өтеді. Ресейдің Краснодар аймағында ковидке қатысты іс-шараларды көрерменмен өткізуге шектеу болмағанымен, ұйым осындай шешімге келген.

Евгений Егембердиев соңғы рет сегізбұрышқа өткен жылдың желтоқсанында шықты. ACA 115-те ол бұрын UFC-де бақ сынаған Люк Барнатты нокаутқа жіберді.

26 жастағы Магомедов осы жылдың наурыз айында бразилиялық Леонардо Силва да Оливейраны төрешілер шешімімен жеңді.

Ошибка в тексте? Выделите и нажмите Ctrl+Enter
Пікірлер 0