Регбиден Олимпиада іріктеуі: Қазақстанның құрамы анықталды

Регбиден Монакода әйелдер командалары арасында Олимпиада ойындарына іріктеу турнирі өтеді. Аталған маңызды додаға Қазақстан әйелдер құрама командасы қатысады, деп хабарлайды Olympic.kz.

Бас бапкер Анна Яковлева 19-20 маусым күндері ұлттық құрама сапынан жарыс жолына шығатын спортшылар тізімін жариялады. 

Атап айтқанда Диана Абишева, Нигора Нурматова, Дарья Ткачева, Людмила Шерер, Алина Аскерова, Балжан Қойшыбаева, Құндызай Бақтыбаева, Влада Однолеток, Диана Қазыбекова, Вероника Степанюга, Мария Гришина және Галина Красавина ойнайтын болады.

Айта кетерлігі, регбиден Қазақстан құрамасы іріктеу турнирінде В тобында Жаңа Гвинея, Ямайка және Тунис елдерінің құрама командаларымен кездеседі.