Жәнібек Әлімханұлы Эгис Климаспен кездесті

Орта салмақта өнер көрсететін қазақстандық боксшы Жәнібек Әлімханұлы (9-0, 5 КО) менеджері Эгис Климаспен кездесті, деп жазады Prosports.kz.

Бұл туралы 28 жастағы спортшы инстаграм желісіндегі жеке парақшасында мәлімдеді.

«Менеджерім Эгис Климас. Бүгін жолығып, мансабымның келесі деңгейіндегі шаруаларды ақылдастық. Алда жағымды жаңалықтар көп», - деп жазды Жәнібек.

Айта кетейік, Әлімханұлы алдыңғы жекпе-жегін 2020 жылы 9 қазанда Лас-Вегаста (Невада, АҚШ) өткізді. Онда аргентиналық Гонсало Корианы (16-4, 6 КО) екінші раундта нокаутқа жіберді.