Мерей Ақшалов аудан әкімінің орынбасары болып тағайындалды

Бокстағы мансабын 2014 жылы аяқтаған Мерей Ақшалов Ақмола облысы, Шортанды ауданы әкімінің орынбасары болып тағайындалды, деп хабарлайды Prosports.kz.

Бұл туралы бокс федерациясының баспасөз қызметі мәлімдеді.

Ақшалов Бейжің Олимпиадасына қатысты, «Астана Арланс» командасының құрамында Дүниежүзілік бокс сериясында өнер көрсетті. 2013 жылы тамызында Азия чемпионы атанды, ал қазан айында Алматыда өткен әлем чемпионатында жеңіске жетті.

Бірақ денсаулығына байланысты бокспен ертерек қоштасты.