Волейболдан әйелдер командалары арасында кейінге шегерілген кездесу өткізілді

Алматы қаласында волейболдан әйелдер командалары арасында кейінге шегерілген кездесу өтті, деп хабарлайды Olympic.kz.

Ұлттық лигадағы әйелдер командалары арасындағы ел біріншілігінің ІІІ кезеңі аясында "Алматы" мен "Жетісу" командалары өзара кездесті. Екеуара кездесу 1:3 (14:25 25:22 17:25 13:25) есебімен "Жетісу" құрамасының еншісіне шешілді.

Айта кетерлігі, әйелдер командалары арасындағы келесі кезең Петропавл қаласында өтеді. Ұлттық лиганың ІV кезеңі 12-19 ақпан күндеріне жоспарланған.