Арман Оспанов АҚШ-қа жұмыс визасын алды
Arlan MMA Pro командасының өкілі, қазақстандық файтер Арман Оспанов АҚШ-қа жұмыс визасын алды, деп жазады Prosports.kz.
Бұл туралы спортшының өзі «Ontustik TV» бағдарламасында айтты.
Арман өткен жылдың желтоқсан айында Лас-Вегаста (Невада штаты) аты аңызға айналған файтер Рэнди Кутюр негізін қалаған әйгілі Xtreme Couture MMA спортзалында оқу-жаттығу жиынын өткізген. Желтоқсан айының соңында Оспанов Қазақстанға оралды.
Арман Оспановтың командасы UFC-мен келіссөзді осы жылдың көктемінде бастаған, әрі жыл соңына қарай келіссөзді барынша белсенді жүргіді. Көп ұзамай отандасымыз америкалық промоушенмен келісімшарт жасасып, АҚШ-та өнер көрсетуі мүмкін.
Айта кетейік, «Сұңқар» сегізбұрышқа соңғы рет 2020 жылы наурызда, ACA 105 турнирі аясында шықты. Алматыда өткен кеште ол ресейлік Расул Мирзаевты бірінші раундта нокаутқа жіберген болатын.