Волейболдан ұлттық лига әйелдер арасындағы ел біріншілігі басталады

11 қараша күні волейболдан әйелдер командалары арасындағы ұлттық лига бойынша Қазақстан чемпионаты басталады.

Бұл туралы Қазақстан волейбол федерациясының баспасөз қызметі мәлімдеді.

Ел біріншілігінің алғашқы кезеңі Талдықорғанда ұйымдастырылады.

Ұлттық лиганың 2020/2021 кезеңінде барлығы 8 әйелдер командасы қатысады. Атап айтқанда, "Жетісу" (Алматы облысы), «Алтай» және «Алтай-2» (Өскемен), «Ертіс» (Павлодар), «Қуаныш» (СҚО), «Алматы» (Алматы), «Ару-Астана» (Нұр-Сұлтан), «Қарағанды» (Қарағанды).