«Реал» ойыншысы коронавирус жұқтырды

«Реал Мадрид» футбол клубының қорғаушысы Эдер Милитао коронавирус жұқтырды, деп жазады Prosports.kz. 

Мадридтік клубтың баспасөз қызметі, Милитаоға жексенбі күні таңертең жүргізілген COVID-19 сынамасы оң нәтиже көрсеткенін хабарлады.

Бірақ өзге ойыншылар мен жаттықтырушылар құрамы, сондай-ақ олармен тікелей жұмыс жасайтын барлық клуб қызметкерлері тапсырған тест теріс нәтиже көрсетті.  

Айта кетейік, Милитао «Реалға» 2019 жылы ауысып келген. Бұған дейін ол «Порту» мен «Сан-Паулу» клубтарында ойнаған.