«Барыс» қорғаушысы жарақат алып қалды
Қазақстанның және әлемнің спорт жаңалықтарына жазылыңыз«Барыс» хоккей клубының қорғаушысы Алексей Маклюков жарақат алып қалды, деп жазады Prosports.kz.
Бұл туралы елордалық команда ресми сайтында хабарлады.
Ойыншы ҚХЛ-дің ресми сайтындағы жарақат алған ойыншылар тізіміне қосылды. Биылғы маусымда 27 жастағы ойыншы 8 матчқа қатысып, 2 нәтижелі пас берді.
Айта кетейік, елордалық команда қазіргі сәтте 10 ойында 11 ұпай жинап, Шығыс конференцияның турнирлік кестесінде 9-орында тұр. «Барыс» келесі кездесуін 18 қыркүйекте өз алаңында ригалық «Динамоға» қарсы өткізеді.