Рамазан Оразовтың командасы Латвия чемпионатында жеңіліп қалды

Қазақстандық жартылай қорғаушы Рамазан Оразов ойнайтын латвиялық «Даугавпилс» ел чемпионатының 16-турында «Вентспилстен» жеңіліп қалды, деп хабарлайды Prosports.kz тілшісі.

Оразовтың командасы 0:2 есебімен жеңіліп қалды. Қазақстандық футболшы алаңға негізгі құрамда шыққан. 42-минутта сары қағаз алған оны үзілістен кейін бас бапкер ауыстырып тастады.

Осылайша, «Даугавпилс» қатарынан үш матчта жеңіліс тапты. Оразовтың командасы 15 ұпаймен алтыншы орында келеді. Латвия чемпионатында он команда бақ сынасады.

Оразов осы маусымда үш матчта алаңға шықты.