Михал Билек қызметінен кетті

Prosports.kz тілшісіне белгілі болғандай, чех маманы Михаил Билек «Астана» футбол клубының бас бапкері қызметінен кетті.

Оның себебі астаналық команданың Бресттің «Динамо» командасынан 3:6 есебімен ірі жеңілісі және Чемпиондар лигасынан шығып қалуы болды.

Еске сала кетейік, Билек қазақстандық клубқа бас бапкер ретінде 2020 жылдың қаңтарында тағайындалды. Онымен бірге «Астана» ел Суперкубогын жеңіп алды. Ұлттық біріншілікте елордалық команда екінші орында келе жатыр.