«Барселона» Кике Сетьенді қызметінен босатады

«Барселона» басшылығы Чемпиондар лигасының 1/4 финалында «Бавариядан» ойсырай жеңілген соң бас бапкер Кике Сетьенді қызметінен босатады. Бұл туралы белгілі журналист Фабрицио Романо хабарлады.

Оның орнына «Барселона» басшылығы Хави, Маурисио Почеттино және Роналд Куманның кандитатурасын қарастырып жатыр.

Айта кетейік, Чемпиондар лигасы ширек финалында неміс «мәшинесі» биыл трофейсіз қалған «Барселонаға» еш мүмкіндік бермей, 8:2 есебімен жеңді.