«Бақытты боламын». «Барселона» бапкері Неймармен жұмыс істеуді қалайды
«Барселонаның» бас бапкері Кике Сетьен ПСЖ шабуылшысы Неймармен жұмыс істегісі келетінін айтты, деп хабарлайды Prosports.kz тілшісі.
«Әрине, оны жаттықтырғым келеді, себебі ол жоғары деңгейлі ойыншы. Шынымды айтсам, мен арманымды орындап, әлемнің үздік ойыншысы Мессимен жұмыс істедім. Енді не боларын көре жатармыз, бірақ Неймар бізге ауысса, бақытты боламын», - деді Сетьен beIN SPORTS басылымына берген сұхбатында.
Неймар 2013-2017 жылдар арасында «Барселона» намысын қорғаған еді. Ал 2017 жылдан бері франциялық ПСЖ-да ойнайды.
